Rumania zotohet se do ta mbështesë Serbinë që të anëtarësohet në BE

11:33 | 23 Dhjetor 2018
Arbresh.info

Rumania thotë se do të punojë që të ndihmojë Serbinë që të anëtarësohet në Bashkimin Europian, kur ky vend të marrë presidencën e bllokut, më 1 janar.

Kryeministrja rumune, Viorica Dancila i bëri këto komente në Beograd, pasi u takua me udhëheqësit e Serbisë, Bullgarisë dhe Greqisë.

“Rumania do të mbështesë rrugën europiane të Serbisë. Ne të gjithë duhet të përfshihemi që të mbështesim Serbinë”, tha ajo.

Kryeministrja e Rumanisë shtoi se zgjerimi i BE-së është “prioritet” për shtetin e saj.

Të katër liderët e shteteve në takimin në Beograd diskutuan edhe për migrimin dhe temat rajonale. (REL)

Shpërndaje në rrjete sociale

Lajmet më të lexuara

Të ngjashme

Foto lajm